News Editorials |
Views |
Chairman’s
Desk |
Features In Focus |
Updates References Previous Issues |
DIRECTOR’S CORNER
(Ed’s Note: Due to Director Domo-ong’s busy
schedule, we have again invited Deputy Director Benilda
S. Allon to share her speech delivered at one of the
flag ceremonies of BSP.)
Ang Tunay at Marangal na Filipino,
Maipagmamalaki Kahit Kanino
Sa unang tingin, hindi na kailangan pa ng ano pa mang maligoy na
pagpapaliwanag para sa temang ito dahil kung sa Ingles ito ay
“self-explanatory”. Subalit ano nga ba ang nakapaloob sa dalawang katagang iyon
na iniuukol sa isang kapuri-puring Filipino. Sa ating makabagong panahon,
mayroon kayang tutugma sa ganyang deskripsyon?
Sino ba ang matatawag na tunay na Filipino? Naririnig natin sa
awit o sa mga makabayang diskurso ang katagang
– Filipino sa isip, sa salita
at sa gawa. Madaling sabihin pero gaano
kaya ito kadaling gawin, lalo’t sa
panahon ngayon na ang mundo
ay nakatuon sa isyu ng “globalisasyon” at
“e-commerce”. Napakalaking impluwensya
ang mga pagsulong
na teknolohikal
sa pag-iisip at paggalaw ng mga tao at sa palagay
ko tayong mga Filipino ay di nakakaiwas dito. Subalit kahit saan pa tayong
bahagdan sa
lipunan nabibilang, kung sa puso natin
nananatili ang pagmamahal sa bansang
Pilipinas at lagi nating isinasaalang-alang na tayo ay Filipino – wala na sigurong mas
mahalaga pa kaysa rito.
Sino naman kaya yaong
masasabing marangal? Ito ba yong mga tinitingala
sa lipunan,
mga kilalang negosyante o yong mga lingkod ng pamahalaan na kinakabitan
ng katawagang “Honorable”? Maaari
din – pero mas angkop marahil na ikabit
natin ang katagang marangal sa kahit na
sinong tao na may integridad at matapat sa anumang
responsibilidad na iniaatang sa kanya.
Kahit na sa pinakamaliit or sa pinakamalaking gawain – maging sa pansarili, sa
pamilya, sa opisina o sa gobyerno
– kung ito ay tinutupad sa maka-Diyos na
pamamaraan – ito na siguro ang
maituturing natin na marangal.
Sino nga ba ang taong
nagtataglay ng dalawang nabanggit na
katangian? Sa paghanap ko ng kasagutan maraming bagay ang sumagi
sa aking isipan – isa na
rito ang pamosong taxi driver na nagsauli ng milyong halagang pera na
naiwan sa taxi ng isa niyang pasahero
at ng marami pang mga sumunod sa kanya. Hindi rin natin dapat kalimutan
ang batang binawian ng buhay sa pagliligtas
sa mga nalulunod
sa lumubog na Pagoda sa Bocaue.
Hindi mabilang ang
mga ganitong kasaysayan ng katapatan at kagitingan. Nagpapatunay lamang na
may mga Filipinong tunay nating ikinararangal.
Sa Bangko Sentral man ay maraming
may mabuting kalooban. Sa pagbubuklat ko sa pahina
ng isang lumang isyu ng “Tinig” natuon ang aking
pansin sa “The Tale of Two
Gentlemen” – isa rito ay nagpamalas ng katapatan o
“honesty” – nagsauli ng perang
di sinasadyang napa-deposit sa kanyang “account” sa PNB at ang isa nama’y
nagpamalas ng katapangan o
“courage” ng tugisin at mahuli
niya ang isang “snatcher” na bumiktima sa isang
walang kakayahan magtanggol sa sarili.
Hindi lamang sa ganitong
di-pangkaraniwang sitwasyon
nakikita ang katangiang maipagmamalaki – kahit sa mga
pang-araw-araw na gawain at maging sa pagganap sa
tungkulin. Hindi na nga siguro
tayo dapat na lumayo pa – ang pamunuan sa
pangunguna ng ating huwarang Governor at mga kawani na nagkakaisa
sa pagbuo ng isang “world class” na Bangko
Sentral – mga Filipinong tunay.
News Editorials |
Views |
Chairman’s
Desk |
Features In Focus |
Updates References Previous Issues |